Spread the love

जिल्हा बँकेच्या निवडणुकीत महायुतीचे ११ उमेदवार बिनविरोध!

शिवसेना शिंदे गटाचे ६, भाजपचे ३ तर राष्ट्रवादी अजित पवार गटाचे २ उमेदवार; पालकमंत्री गुलाबराव पाटील, मंत्री गिरीश महाजनांसह दिग्गजांचा समावेश

जळगाव : जळगाव जिल्हा मध्यवर्ती सहकारी बँकेच्या निवडणुकीत महायुतीच्या घटक पक्षांचे एकूण ११ उमेदवार बिनविरोध निवडून आले आहेत. यामध्ये शिवसेना (शिंदे गट) चे सहा, भारतीय जनता पक्षाचे तीन, तर राष्ट्रवादी काँग्रेस (अजित पवार गट) चे दोन उमेदवार आहेत. पालकमंत्री गुलाबराव पाटील आणि ग्रामविकास मंत्री गिरीश महाजन यांच्यासह जिल्ह्यातील प्रमुख नेत्यांचा बिनविरोध निवड झालेल्यांमध्ये समावेश आहे.

अर्ज माघारीच्या अंतिम दिवशी झालेल्या राजकीय घडामोडींनंतर या निवडी निश्चित झाल्या. महायुतीच्या घटक पक्षांमध्ये झालेल्या समन्वयामुळे अनेक जागांवरील संभाव्य लढती टळल्या. त्यामुळे जिल्हा बँकेच्या निवडणुकीत सुरुवातीलाच महायुतीच्या तिन्ही पक्षांना संचालक मंडळात प्रतिनिधित्व मिळाले आहे.

शिवसेना शिंदे गटाचे सहा, भाजपचे तीन आणि राष्ट्रवादी अजित पवार गटाचे दोन असे एकूण ११ उमेदवार बिनविरोध निवडून आल्याने जिल्हा बँकेच्या निवडणुकीतील राजकीय समीकरणांना महत्त्व प्राप्त झाले आहे.

Share.
Leave A Reply

Exit mobile version