पुणे प्रतिनिधी | एस. एन. नांदेडकर : मराठवाड्यातील नांदेड जिल्ह्यातील मुखेड तालुक्यातील मौजे शिरूर येथील सुपुत्र डॉ. अंगद शिवाजी भद्रे यांनी पुण्यात आपल्या वैद्यकीय कार्यातून समाजसेवेचा आदर्श निर्माण केला आहे. देहू-आळंदी परिसरातील पाटीलनगर कॉर्नर, श्रीक्षेत्र टाळगाव चिखली येथे सुरू असलेले डॉ. भद्रे डेंटल क्लिनिक गेल्या दोन वर्षांपासून नागरिकांच्या विश्वासाचे केंद्र ठरत आहे.
संघर्षातून घडलेल्या व्यक्तिमत्त्व डॉ. अंगद भद्रे यांनी केवळ व्यवसाय म्हणून नव्हे, तर समाजसेवेच्या भावनेतून दंतचिकित्सेची वाट निवडली आहे. विशेषतः गोरगरीब व कष्टकरी रुग्णांना अत्यंत माफक दरात दंत तपासणी व उपचार उपलब्ध करून देत त्यांनी वैद्यकीय क्षेत्रात आपली वेगळी ओळख निर्माण केली आहे.
आजच्या महागाईच्या काळात सर्वसामान्यांना परवडणारी आरोग्यसेवा उपलब्ध करून देण्याचे त्यांचे कार्य खरोखरच अभिमानास्पद व प्रेरणादायी ठरत आहे. त्यांच्या सेवेमुळे अनेक रुग्णांना दिलासा मिळत असून, परिसरातील नागरिक त्यांच्याविषयी कृतज्ञता व्यक्त करत आहेत. याच पार्श्वभूमीवर डॉ. भद्रे यांची सदिच्छा भेट घेण्यात आली. यावेळी सुनिताताई दत्ता सोनकांबळे बेटमोगरेकर तसेच स्पर्धा परीक्षा मार्गदर्शक संघशिल भद्रे उर्फ एस. एन. नांदेडकर सर आणि इतर सदस्य उपस्थित होते.
पुणेकर तसेच देहू-आळंदी परिसरातील नागरिकांनी दंतसेवेचा लाभ घेण्यासाठी डॉ. भद्रे डेंटल क्लिनिक येथे अवश्य भेट द्यावी, असे आवाहन क्लिनिकच्या वतीने करण्यात आले आहे.
