नाहाटा महाविद्यालयात ललित कला स्पर्धांना उत्स्फूर्त प्रतिसाद
रांगोळी, मेहंदीपासून एआयपर्यंत विविध विषयांवर विद्यार्थ्यांची कलात्मक मांडणी; ९९ विद्यार्थ्यांचा सहभाग
भुसावळ :
भुसावळ येथील कला, विज्ञान व पी. ओ. नाहाटा वाणिज्य महाविद्यालयात ९ सप्टेंबर २०२६ रोजी ललित कला स्पर्धांचे आयोजन करण्यात आले. विद्यार्थ्यांच्या कलागुणांना वाव देणाऱ्या या स्पर्धांना उत्स्फूर्त प्रतिसाद मिळाला. विविध कलाप्रकारांच्या माध्यमातून विद्यार्थ्यांनी सामाजिक, पर्यावरणीय आणि समकालीन विषयांचे प्रभावी सादरीकरण केले.
स्पर्धेचे उद्घाटन महाविद्यालयाचे प्राचार्य डॉ. बी. एच. बऱ्हाटे यांच्या हस्ते झाले. यावेळी उपप्राचार्य डॉ. दीपक पाटील, डॉ. जी. आर. वाणी, कार्यालय प्रबंधक श्री. भगवान तायडे तसेच कला मंडळ प्रमुख डॉ. प्रफुल्ल इंगोले उपस्थित होते.
ललित कला स्पर्धांमध्ये रांगोळी, मेहंदी, व्यंगचित्र, कोलाज, इन्स्टॉलेशन, फोटोग्राफी, स्पॉट पेंटिंग, पोस्टर मेकिंग आणि क्ले मॉडेलिंग अशा विविध स्पर्धांचा समावेश होता. विद्यार्थ्यांनी आपल्या कलाकृतींतून सामाजिक प्रश्न, बदलते तंत्रज्ञान आणि समकालीन जीवनशैली यांचे विविध पैलू मांडले.
सामाजिक विषयांपासून ‘AI आणि मानवी जीवन’पर्यंत
स्पर्धांसाठी विद्यार्थ्यांना महिला सबलीकरण, स्वच्छ भारत अभियान, डिजिटल इंडिया, जेन झी, भारतीय संस्कृती व सण-उत्सव, सोशल मीडियाचे फायदे व तोटे, वन्यजीव संरक्षण, माझ्या स्वप्नातील भारत, पर्यावरणीय बदल, मोबाईलच्या आहारी गेलेली तरुणाई, महागाई, भ्रष्टाचार, राजकारण तसेच ‘AI आणि मानवी जीवन’ आदी विषय देण्यात आले होते.
या विविध विषयांवर विद्यार्थ्यांनी कल्पकता, सर्जनशीलता आणि सामाजिक भान यांचा सुंदर मिलाफ साधत कलाकृती साकारल्या. स्पर्धेत एकूण ९९ विद्यार्थ्यांनी सहभाग नोंदविला.
प्राध्यापकांचे मोलाचे सहकार्य
स्पर्धेच्या यशस्वी आयोजनासाठी डॉ. वंदना महाजन, डॉ. विद्या पाटील, प्रा. नयना चौधरी, डॉ. दिनानाथ पाठक, डॉ. सचिन राजपूत, प्रा. प्रणिता राणे, प्रा. सपना जंगले, डॉ. एस. के. राठोड, प्रा. नेहा महाजन, प्रा. गौतम भालेराव, डॉ. कविता पांडव, डॉ. प्रियंका महाजन, डॉ. जितेंद्र आडोकार, प्रा. ज्ञानेश्वर जावळे, प्रा. सुनील अडकमोल आणि डॉ. शलाका निकम आदींनी सहकार्य केले.
स्पर्धांचे परीक्षण डॉ. रश्मी शर्मा, डॉ. गौरी पाटील, डॉ. स्मिता चौधरी, डॉ. ममता पाटील, डॉ. उमेश फेगडे, डॉ. विलास महिरे, डॉ. हर्षल पाटील, डॉ. एस. टी. धूम, डॉ. मनोज पाटील, डॉ. किरण वारके, डॉ. सचिन येवले, डॉ. दीपक पाटील आणि डॉ. मनोज जाधव आदींनी केले.
ललित कला स्पर्धेच्या उद्घाटनप्रसंगी प्राचार्य डॉ. बी. एच. बऱ्हाटे, उपप्राचार्य डॉ. दीपक पाटील, डॉ. जी. आर. वाणी आणि कला मंडळ प्रमुख डॉ. प्रफुल्ल इंगोले यांची प्रमुख उपस्थिती होती.
