जळगाव मोर्चाच्या नियोजनासाठी मुक्ताईनगरात महत्त्वपूर्ण बैठक
रेस्ट हाऊस येथे पदाधिकारी व समाजबांधवांची उपस्थिती; मोर्चासाठी तालुक्यातून मोठ्या सहभागाचे नियोजन
मुक्ताईनगर, दि. १ ऑक्टोबर : जळगाव येथे ४ ऑक्टोबर रोजी प्रस्तावित महामोर्चाच्या नियोजन व तयारीच्या पार्श्वभूमीवर मुक्ताईनगर रेस्ट हाऊस येथे महत्त्वपूर्ण बैठक घेण्यात आली. या बैठकीत मोर्चाच्या आयोजनाबाबत विविध मुद्द्यांवर चर्चा करण्यात आली. जळगाव येथे ४ ऑक्टोबरच्या मोर्चासाठी विविध स्तरांवर बैठका व जनजागृती सुरू असल्याचे वृत्त आहे.
बैठकीस जिल्ह्यातील पदाधिकारी, मुक्ताईनगर तालुक्यातील समाजबांधव, ऑल इंडिया पँथर सेनेचे जिल्हा पदाधिकारी व कार्यकर्ते तसेच रिपब्लिकन सेनेचे पदाधिकारी व कार्यकर्ते उपस्थित होते. मोर्चाच्या पार्श्वभूमीवर तालुक्यातील कार्यकर्ते व समाजबांधवांनी मोठ्या संख्येने सहभागी होण्याबाबत नियोजन करण्यात आले.
यावेळी मोर्चासाठी गावनिहाय संपर्क, कार्यकर्त्यांचा सहभाग आणि उपस्थितीचे नियोजन याबाबत चर्चा करण्यात आली. प्रत्येक पदाधिकारी, कार्यकर्ता आणि समाजबांधवाने मोर्चात सहभागी व्हावे, असे आवाहन आयोजकांकडून करण्यात आले.
पदाधिकारी व कार्यकर्त्यांची उपस्थिती
बैठकीस भारतीय बौद्ध महासभेचे नाशिक विभाग सचिव के. वाय. जी. सुरवाडे, रिपब्लिकन सेनेचे जिल्हाध्यक्ष विनोद सोनवणे, ऑल इंडिया पँथर सेनेचे जिल्हाध्यक्ष लखन पानपाटील, जिल्हा उपाध्यक्ष अजय शेलार, जिल्हा कार्याध्यक्ष अक्षय वाघ, जिल्हा संघटन प्रमुख निलेश सूर्यवंशी, मुक्ताईनगर तालुकाध्यक्ष अतुल अटकाळे, राहुल पानपाटील, मुक्ताईनगर शहराध्यक्ष लकी गाढे, रावेर तालुकाध्यक्ष जितू इंगळे यांच्यासह पदाधिकारी उपस्थित होते.
तसेच दीपक इंगळे, विक्रम हिरोळे, नाना बोदडे, अमर बोदडे, शैलेश वानखेडे, राजू वानखेडे, सतीश हिरोळे, रमेश बोदडे, बंटी नरवाड, पृथ्वीराज बोदडे, पत्रकार सचिन झनके, सचिन बोदडे, दीपक गाढे, अजय तायडे, निखिल झणमे, प्रणित कोठके आणि आशुतोष निकम यांच्यासह तालुक्यातील अनेक कार्यकर्ते व समाजबांधव उपस्थित होते.
बैठकीच्या माध्यमातून जळगाव येथील प्रस्तावित मोर्चासाठी मुक्ताईनगर तालुक्यातून सहभागी होणाऱ्या कार्यकर्त्यांच्या उपस्थितीचे नियोजन करण्यात आले.
