मेहनत, प्रामाणिकपणा आणि दूरदृष्टीच्या जोरावर उद्योग क्षेत्रात ठसा; रोजगारनिर्मितीसाठी गौरव
पुणे (हडपसर) : हडपसर येथील उद्योग क्षेत्रात स्वतःची वेगळी ओळख निर्माण करून अनेकांना रोजगाराच्या संधी उपलब्ध करून देणारे उद्योजक प्रदीप पवार यांना ‘महाराष्ट्र जनकल्याण उद्योग भूषण’ पुरस्काराने सन्मानित करण्यात आले. हडपसर येथील स्व. खासदार विठ्ठलराव तुपे पाटील नाट्यगृहात आयोजित कार्यक्रमात विद्याभूषण डॉ. प्रशांत पगारे यांच्या हस्ते शाल, पुष्पगुच्छ आणि सन्मानचिन्ह देऊन त्यांचा गौरव करण्यात आला.
प्रदीप पवार यांनी मेहनत, प्रामाणिकपणा आणि दूरदृष्टीच्या बळावर उद्योग क्षेत्रात उल्लेखनीय कार्य केले असून, अनेक तरुणांना रोजगार उपलब्ध करून दिल्याबद्दल त्यांचा विशेष सन्मान करण्यात आला. या कार्यक्रमास राष्ट्रवादी काँग्रेस पुणे शहर उपाध्यक्ष सुरेश आण्णा घुले, डॉ. दत्ता कोहिनूर, अमोल नाना तुपे, पितांबर धिवार, गोरक्ष गायकवाड, महेश इंगळे, हरिदास भिसे यांसह अनेक मान्यवर उपस्थित होते. कार्यक्रमाचे आयोजन जनकल्याण युवा विचार मंच आणि ‘आपली चळवळ’ यांच्या संयुक्त विद्यमाने करण्यात आले होते.
