योगेश चव्हाण व दिनकर भंगाळे बिनविरोध निवड; ग्रामपंचायतीकडून गौरव
जळगाव : जळगाव तालुक्यातील कानळदा पीक संरक्षण सोसायटीच्या चेअरमन व व्हाईस चेअरमन पदाची निवडणूक २४ एप्रिल रोजी बिनविरोध पार पडली. चेअरमनपदी योगेश पंडितराव चव्हाण तर व्हाईस चेअरमनपदी दिनकर चावदस भंगाळे यांची निवड करण्यात आली. या निवडीच्या पार्श्वभूमीवर २५ एप्रिल (शनिवार) रोजी ग्रामपंचायत कानळदा पदाधिकाऱ्यांच्या वतीने नवनिर्वाचित पदाधिकाऱ्यांचा नागरी सत्कार करण्यात आला. या कार्यक्रमात गावकऱ्यांनी मोठ्या उत्साहात सहभाग घेत नवनियुक्त नेतृत्वाचा गौरव केला.
कार्यक्रमास सरपंच पुंडलिक बापूसाहेब सपकाळे, जळगाव तालुका कापूस उत्पादक सोसायटीच्या चेअरमन सरला चंद्रकांत चव्हाण, कानळदा विविध कार्यकारी सोसायटीच्या चेअरमन मनीषा मनोज राणे यांच्यासह ग्रामपंचायत सदस्य जगदीश सपकाळे, भिकन सपकाळे, निवृत्ती बोरोले, अशोक धनगर, नामदेव बिराडे, किसन सपकाळे, योगेश भंगाळे, मनोज राणे, नामदेव धनगर, कांतीलाल सपकाळे, नवल मोरे आणि गावातील ग्रामस्थ मोठ्या संख्येने उपस्थित होते. कार्यक्रमाचे प्रास्ताविक जगदीश सपकाळे यांनी केले. नवनिर्वाचित चेअरमन व व्हाईस चेअरमन यांनी गावाच्या विकासासाठी प्रामाणिकपणे काम करण्याचा संकल्प व्यक्त केला.
