भारताच्या या मित्र देशाला जास्त धोका, धडकी भरवणारी रेंज
राष्ट्रीय : पाकिस्तानचा साथीदार तुर्कीने इस्तांबुलमध्ये आपल्या पहिल्या इंटरकॉन्टिनेंटल बॅलेस्टिक मिसाइलच अनावरणं केलं आहे. तुर्कीच हे सर्वात अत्याधुनिक लांब पल्ल्यावरील लक्ष्याचं वेध घेणारं क्षेपणास्त्र आहे. SAHA 2026 इंटरनॅशनल डिफेन्स अँड एयरोस्पेस एक्स्पोमध्ये हे मिसाइल जगासमोर आणण्यात आलं. तुर्कीने आपल्या इंटरकॉन्टिनेंटल बॅलेस्टिक मिसाइलचं नाव यिल्दिरिमहान ठेवलं आहे. यिल्दिरिमहान मिसाइल मॅक 25 चा स्पीड गाठण्यास सक्षम आहे, असा तुर्कीच्या संरक्षण मंत्रालयाने दावा केला आहे. 6000 किलोमीटर या मिसाइलची रेंज आहे. या मिसाइलपासून भारताचा जवळचा मित्र देश ग्रीसला धोका निर्माण होऊ शकतो. कारण तुर्की आणि ग्रीसमध्ये जुनी दुश्मनी आहे.
यिल्दिरिमहान मिसाइलमध्ये इंधन म्हणून नायट्रोजन टेट्रोक्साइडचा वापर करण्यात आलाय. हे मिसाइल चार रॉकेट प्रोपल्शन इंजिनद्वारे चालतं. यामुळे मॅक 25 स्पीड पर्यंत हे मिसाइल पोहोचू शकतं. तुर्कीच्या संरक्षण उद्योगाने मोठ्या गुंतवणूकीच्या माध्यमातून आपली उत्पादन क्षमता वाढवली आहे. संशोधन आणि विकासाच्या माध्यमातून उच्च टेक्नोलॉजी विकसित करणारी इकोसिस्टिम तयार झालीय असं तुर्कीचे संरक्षण मंत्री यासर गुलेर म्हणाले.
यिल्दिरिमहान मिसाइलची खासियत काय?
लिक्विड रॉकेट इंधन आणि 3,000 किलोग्राम स्फोटक पेलोड ही यिल्दिरिमहान मिसाइलची खासियत आहे. यामुळे हे मिसाइल अन्य मिसाइलसपेक्षा वेगळं ठरतं असा तुर्कीचा दावा आहे. हे मिसाइल याच आठवड्यात इस्तांबुलमध्ये आयोजित SAHA 2026 आंतरराष्ट्रीय संरक्षण आणि एयरोस्पेस प्रदर्शनात मांडण्यात आलं. या प्रदर्शन कार्यक्रमात तुर्कीच्या संरक्षण कंपन्या आणि सार्वजनिक संस्था आपली नवनवीन विकसित शस्त्र जगासमोर सादर करत आहेत.
या मिसाइलपासून सर्वात जास्त धोका कोणाला?
तुर्कीच्या या मिसाइलपासून ग्रीसला धोका असल्याचं म्हटलं जातय. तुर्की आणि ग्रीसमध्ये अनेक दशकपासून सीमावाद सुरु आहे. अलीकडच्यावर्षात समुद्राच्या पोटातील नैसर्गिक साधनसंपत्ती आणि सैन्य हालचालींमुळे हा वाद आणखी वाढला. दोन्ही देश NATO चे सदस्य आहेत. मात्र, तरीही दोन्ही देशांमध्ये अनेकदा युद्धाची स्थिती निर्माण झाली. एजियन सागरातील समुद्री सीमा आणि बेटांवरुन दोन्ही देशात मोठा वाद आहे.
