शरद पवार यांच्या दौऱ्याच्या नियोजनासाठी धरणगावात राष्ट्रवादीची बैठक

शरद पवार यांच्या दौऱ्याच्या नियोजनासाठी धरणगावात राष्ट्रवादीची बैठक

अमृत महोत्सवाच्या निमंत्रण पत्रिकांचे वाटप; चार पदाधिकाऱ्यांना संघटनात्मक जबाबदारी

धरणगाव | प्रतिनिधी :
राष्ट्रवादी काँग्रेस शरदचंद्र पवार पक्षाचे प्रमुख शरद पवार यांच्या आगामी दौऱ्याच्या पार्श्वभूमीवर धरणगाव येथे पक्षाच्या प्रमुख पदाधिकाऱ्यांची नियोजन बैठक उत्साहात पार पडली. जिल्हाध्यक्ष प्रमोद पाटील यांच्या अध्यक्षतेखाली कृषी उत्पन्न बाजार समितीच्या सभागृहात ही बैठक आयोजित करण्यात आली होती.

लोकनेते एकनाथराव खडसे यांच्या ३० ऑगस्ट रोजी होणाऱ्या अमृत महोत्सव कार्यक्रमाला शरद पवार उपस्थित राहणार आहेत. या दौऱ्यात जिल्ह्यातील पदाधिकारी व कार्यकर्त्यांच्या भेटीगाठी, संघटनात्मक विषयांवर चर्चा तसेच एकनाथराव खडसे यांच्या वाढदिवसानिमित्त सदिच्छा भेटीचे नियोजन करण्यात आले आहे.

निमंत्रण पत्रिका वाटपाची जबाबदारी

बैठकीत एकनाथराव खडसे यांच्या अभिष्टचिंतन सोहळ्यासाठी सर्वपक्षीय नेते, पदाधिकारी आणि कार्यकर्त्यांना निमंत्रण देण्याबाबत चर्चा करण्यात आली. जिल्हाध्यक्ष प्रमोद पाटील यांनी संघटनात्मक बांधणी आणि आगामी दौऱ्याच्या नियोजनाबाबत पदाधिकाऱ्यांना मार्गदर्शन केले.

अमृत महोत्सवाच्या कार्यक्रमाच्या निमंत्रण पत्रिका सर्व संबंधितांपर्यंत पोहोचविण्याची जबाबदारी पदाधिकाऱ्यांना देण्यात आली. तसेच पक्षाच्या संघटनात्मक विस्ताराला चालना देण्यासाठी काही पदाधिकाऱ्यांना नवीन जबाबदाऱ्या सोपविण्यात आल्या.

चार पदाधिकाऱ्यांची नियुक्ती

जिल्हाध्यक्ष प्रमोद पाटील यांच्या हस्ते नवनियुक्त पदाधिकाऱ्यांना नियुक्तीपत्र देण्यात आले. यामध्ये—

• नारायण चौधरी — किसान सेल तालुकाध्यक्ष

• दिपक झुंजारराव — शहर उपाध्यक्ष

• रविंद्र महाजन — सोशल मीडिया प्रमुख

• पठाण साहिल खान — विद्यार्थी तालुकाध्यक्ष

नवनियुक्त पदाधिकाऱ्यांनी पक्षाची संघटनात्मक ताकद वाढविण्यासाठी सक्रियपणे काम करण्याचा निर्धार व्यक्त केला.

पदाधिकाऱ्यांची मोठी उपस्थिती

बैठकीस राष्ट्रवादी काँग्रेस शरदचंद्र पवार पक्षाचे जिल्हाध्यक्ष प्रमोद पाटील, महिला जिल्हाध्यक्ष कल्पिता पाटील, ज्येष्ठ नेते मोहन पाटील, तालुकाध्यक्ष संजय पाटील, उपाध्यक्ष रमेश महाजन, शहराध्यक्ष लक्ष्मणराव पाटील, कार्याध्यक्ष रविंद्र वाघ, ज्येष्ठ पदाधिकारी भगवान शिंदे, अशोक झुंजारराव, अल्पसंख्याक तालुकाध्यक्ष खलील (बंटी) खान, जिल्हा युवक कार्याध्यक्ष मोहित पवार, युवक तालुकाध्यक्ष परेश गुजर, युवक शहराध्यक्ष जुनेद बागवान, कार्याध्यक्ष सागर महाले, उपाध्यक्ष समाधान (बालाजी) महाजन, संघटक प्रफुल पवार आदी उपस्थित होते.