मुंबई : अभिनेता रणबीर कपूरच्या रामायणम् कडे प्रेक्षकांच्या नजरालागल्या आहेत. गेला काही काळ या सिनेमाच्या सर्वत्र जोरदार चर्चा होत्या. शूटिंगदरम्यानचे कलाकारांचे काही फोटो सतत व्हायरल होत असायचे ते पाहून प्रेक्षकांच्या मनात बरीच उत्सुकता निर्माण झाली होती. निर्माते नमित मल्होत्रा यांनी ‘राम नवमी’च्या शुभ मुहूर्तावर आपल्या सोशल मीडियावर एक पोस्ट शेअर केली आहेत त्यात त्यांनी त्यांनी ‘रामायणम्’च्या या प्रवासामागील कहाणी कथन केली, तसेच त्याविषयीचे एक महत्त्वपूर्ण अपडेटही दिले.
‘रामायणम्’ बाबत महत्त्वपूर्ण माहिती
ही पोस्ट शेअर करताना त्यांनी लिहिले, “राम नवमीच्या हार्दिक शुभेच्छा. ही कथा आपल्या सर्वांचीच आहे; आणि आम्ही उचलत असलेले प्रत्येक पाऊल हे पूर्ण जबाबदारी, आदर आणि समर्पणाने उचलले जात आहे, जेणेकरून आपली ही ‘रामायण’ कथा अत्यंत प्रामाणिकपणे, तिच्या खऱ्या गाभ्यासह आणि भव्यतेसह जिवंत करता येईल.”
या सिनेमाच झलक 2 एप्रिल रोजी हनुमान जयंतीच्या शुभमुहूर्तावर शेअर करण्यास आम्ही उत्सुक आहोत. आम्ही आमची इतक्या वर्षांची मेहनत एका भव्यदिव्य रिव्हीलसह आम्ही चाहत्यांपर्यंत पोहचवू आणि हा क्षण संपूर्ण जगासोबत शेअर करु. तुमचे प्रेम, विश्वास आणि धैर्यासाठी धन्यवाद.
‘रामायणम्’चे दमदार कलाकार
या सिनेमात अभिनेता रणबीर कपूर प्रभू श्रीरामांच्या भूमिकेत, साई पल्लवी सीतेच्या रूपातसाऊथ अभिनेता यश हा रावणाच्या भूमिकेत, सनी देओल हे हनुमानाच्या भूमिकेत आणि रवी दुबे लक्ष्मणाची भूमिका साकारणार असल्याने, ‘रामायणम्’ हा चित्रपट एक अविस्मरणीय असा सिने-सोहळा ठरू शकतो त्यामुळे परिणामी, आता सर्वांचे लक्ष हनुमान जयंतीच्या शुभ मुहूर्तावर होणाऱ्या ‘राम’ या पात्राच्या भव्य अनावरणाकडे लागून राहिले आहे.
‘रामायणम्’: बजेट आणि रिलीज डेट
नितेश तिवारी यांनी दिग्दर्शित केलेला आणि आठ वेळा ऑस्कर विजेत्या ‘DNEG’ स्टुडिओ तसेच यशच्या ‘मॉन्स्टर माइंड क्रिएशन्स’ यांच्या संयुक्त विद्यमाने निर्मिती असलेला ‘रामायणम्’ हा चित्रपट दोन भागांत प्रदर्शित होणार असून त्याचा पहिला भाग दिवाळी 2026 मध्ये रिलीज होईल, तर दुसरा भाग 2027 मध्ये रिलीज होणार आहे.
बॉलिवूडचा चॉकलेट हिरो अभिनेता रणबीर कपूर स्पॉट
विभागलेल्या महाकाव्याचे जगभरात ‘IMAX’ स्वरूपात प्रदर्शन होणार असून, याचा पहिला भाग दिवाळी २०२६ मध्ये आणि दुसरा भाग दिवाळी २०२७ मध्ये प्रदर्शित होईल. चित्रपटाच्या बजेटबाबत बोलायचे झाल्यास, ‘रामायणम्’चे बजेट तब्बल 4000 कोटी रुपये असल्याचे स्वतः नमित मल्होत्रा सांगितले आहे.
