धुळे डिस्ट्रिक्ट कोर्ट लॉ-लायब्ररी निवडणुकीत ॲड. जगदीश सूर्यवंशी यांच्या पॅनलचा ऐतिहासिक विजय!

चेअरमनपदी ॲड. जगदीश सूर्यवंशी; व्हाईस चेअरमनपदी ॲड. दिनेश गायकवाड, सचिवपदी ॲड. समीर सोनवणे तर सहसचिवपदी ॲड. नितेश बोरसे यांची निवड

धुळे | प्रतिनिधी

धुळे डिस्ट्रिक्ट कोर्ट लॉ-लायब्ररीच्या निवडणुकीत ॲड. जगदीश गंगाधर सूर्यवंशी यांच्या पॅनलने घवघवीत विजय संपादन केला. या निवडणुकीत चेअरमनपदी ॲड. जगदीश गंगाधर सूर्यवंशी, व्हाईस चेअरमनपदी ॲड. दिनेश गायकवाड, सचिवपदी ॲड. समीर सोनवणे आणि सहसचिवपदी ॲड. नितेश बोरसे यांची निवड झाली. ज्येष्ठांचे मार्गदर्शन, सहकाऱ्यांचे नियोजन आणि संपूर्ण टीमच्या एकजुटीच्या प्रयत्नांना या विजयामुळे यश मिळाले आहे.

लॉ-लायब्ररीचे आधुनिकीकरण, डिजिटल सुविधांची निर्मिती, अभ्यासासाठी पोषक वातावरण आणि वकील बांधवांच्या हिताचे उपक्रम हे मुद्दे पॅनलने प्रचारात केंद्रस्थानी ठेवले होते. ज्येष्ठ तसेच नवोदित वकिलांशी संवाद साधत लायब्ररीच्या विकासाची भूमिका मतदारांसमोर मांडण्यात आली.

रणनीती, नियोजन आणि लोकसंपर्काची प्रभावी सांगड

या निवडणुकीत ॲड. राहुल पाटील यांनी प्रचाराची रणनीती आखणे आणि सहकाऱ्यांना एकत्र आणण्यात महत्त्वाची भूमिका बजावली. ॲड. जगदीश सूर्यवंशी आणि ॲड. राहुल पाटील यांच्यातील परस्पर विश्वास व समन्वयाच्या बळावर प्रचाराचे नियोजन करण्यात आले. जबाबदाऱ्यांचे योग्य वाटप आणि सातत्यपूर्ण मतदार संपर्कामुळे पॅनलच्या प्रचाराला गती मिळाली.

ॲड. मधुकर भिसे आणि ॲड. विजय रवंदळे यांनीही निवडणुकीच्या नियोजनात मोलाचे योगदान दिले. मतदानाच्या दिवशी सकाळी आठ ते सायंकाळी पाच वाजेपर्यंत ॲड. भिसे यांनी वकील बांधवांशी सातत्याने संवाद साधला. सहकाऱ्यांमधील समन्वय आणि मतदारांशी असलेला जिव्हाळ्याचा संपर्क या प्रचारातील महत्त्वाच्या बाबी ठरल्या.

ज्येष्ठांचे मार्गदर्शन, सहकाऱ्यांची मेहनत

निवडणुकीच्या संपूर्ण वाटचालीत गुरुवर्य ॲड. रवी दादा देसरडा सर यांचे मोलाचे मार्गदर्शन लाभले. तसेच महाराष्ट्र व गोवा बार कौन्सिलचे सदस्य ॲड. ज्ञानेश्वर बागुल सर आणि ज्येष्ठ विधिज्ञ ॲड. एल. पी. ठाकूर सर यांचेही मार्गदर्शन पॅनलला मिळाले.

पॅनलच्या विजयासाठी ॲड. हितेश कबाडे, ॲड. अभिजीत पाटील, ॲड. प्रशांत चौधरी, ॲड. बळीराम वाघ, ॲड. पी. एस. महाजन, ॲड. सौ. प्रभावती माळी, ॲड. सुधा जैन, ॲड. उमेश सूर्यवंशी, ॲड. विनोद सोनवणे, ॲड. गजानन माळी, ॲड. नितीन पाटील, ॲड. संदीप खैरनार, ॲड. सतीश मुसळे, ॲड. राहुल माळी, ॲड. मनीष वाघ आणि प्रशांत सूर्यवंशी यांनी परिश्रम घेतले. प्रचार, मतदार संपर्क आणि संघटनात्मक कामात या सर्व सहकाऱ्यांनी सक्रिय सहभाग नोंदविला.

लॉ-लायब्ररीच्या विकासाचा नवा संकल्प

निवडणुकीत मांडलेल्या विकासाच्या भूमिकेनुसार लॉ-लायब्ररीचे डिजिटलायझेशन, आधुनिक वाचन सुविधा, कायदेविषयक संदर्भसाहित्याची उपलब्धता आणि अभ्यासासाठी पोषक वातावरणनिर्मिती यांना प्राधान्य देण्याचा नवनिर्वाचित पॅनलचा संकल्प आहे.

ज्येष्ठ विधिज्ञांच्या अनुभवाचा आणि नवोदित वकिलांच्या सहभागाचा समन्वय साधत लॉ-लायब्ररी अधिक आधुनिक, उपयुक्त आणि सक्षम करण्याच्या दिशेने नवे नेतृत्व काम करणार आहे. या विजयामुळे धुळे जिल्ह्यातील वकील बांधवांमध्ये उत्साहाचे वातावरण निर्माण झाले आहे.