‘जयंती २’च्या माध्यमातून संविधान आणि सामाजिक न्यायाचा जागर
नाशिकमध्ये OBC, मराठा, आदिवासी व मुस्लिम विद्यार्थ्यांसाठी विशेष शो; चित्रपटाच्या संपूर्ण टीमचा विद्यार्थ्यांशी थेट संवाद
नाशिक, दि. १ ऑक्टोबर : आरक्षण, जातीव्यवस्था, मेरिट, सामाजिक न्याय आणि संविधानिक मूल्ये यांसारख्या विषयांवर भाष्य करणाऱ्या ‘जयंती २’ या चित्रपटाचा विद्यार्थ्यांसाठी विशेष शो नाशिक येथील दिव्या सिनेमा येथे भारतीय हितरक्षक सभा, भारत यांच्या पुढाकाराने आयोजित करण्यात आला. या विशेष शोला OBC, मराठा, आदिवासी आणि मुस्लिम समाजातील विद्यार्थी-विद्यार्थिनींनी सहभाग नोंदविला.
विशेष म्हणजे चित्रपटाचे दिग्दर्शक व लेखक शैलेश नरवाडे, प्रमुख कलाकार ऋतुराज तसेच राजकुमार जरांगे आणि चित्रपटाच्या कलावंत व तांत्रिक टीममधील सदस्यांनी विशेष शोला उपस्थित राहून विद्यार्थ्यांशी थेट संवाद साधला. चित्रपटाच्या प्रदर्शनानंतर विद्यार्थ्यांनी आरक्षण, सामाजिक न्याय, संविधान तसेच चित्रपटातील विविध प्रसंगांबाबत कलाकार आणि दिग्दर्शकांना प्रश्न विचारले.
आरक्षण आणि सामाजिक वास्तवाची मांडणी
दिग्दर्शक-लेखक शैलेश नरवाडे यांनी आरक्षणाच्या विषयासोबतच जातीव्यवस्था, मेरिट आणि सामाजिक वास्तव यांची मांडणी चित्रपटातून केल्याचे आयोजकांनी सांगितले. सर्वसामान्यांना समजेल अशा पद्धतीने विषय मांडल्यामुळे विद्यार्थ्यांना आरक्षण आणि सामाजिक न्यायाच्या प्रश्नांकडे विविध दृष्टिकोनातून पाहण्याची संधी मिळाल्याचे आयोजकांचे म्हणणे आहे.
चित्रपटातील ‘हर्डल्स’चे उदाहरण, भाकरीचे वाटप यांसारख्या प्रसंगांमधून समान संधी, सामाजिक विषमता आणि आरक्षणामागील सामाजिक संदर्भ मांडण्याचा प्रयत्न करण्यात आला आहे. तसेच जातींचे उपवर्गीकरण, पेपरफुटी आणि परीक्षा पद्धती यांसारख्या समकालीन विषयांवरही चित्रपटातून भाष्य करण्यात आल्याचे सांगण्यात आले.
विद्यार्थ्यांचा उत्स्फूर्त प्रतिसाद
चित्रपट पाहिल्यानंतर विद्यार्थी-विद्यार्थिनींनी चित्रपटातील विषय, मांडणी आणि कलाकारांच्या अभिनयाचे कौतुक केले. आरक्षण, सामाजिक न्याय आणि संविधान यांसारख्या विषयांवर थेट संवाद साधण्याची संधी मिळाल्याचे विद्यार्थ्यांनी सांगितले.
वानखेडे, प्रिया आणि अन्य कलाकारांच्या अभिनयाचाही उपस्थितांनी उल्लेख केला. यावेळी भारतीय हितरक्षक सभा, भारत यांच्या वतीने दिग्दर्शक-लेखक शैलेश नरवाडे, निर्माता, कलाकार तसेच संपूर्ण कलावंत व तांत्रिक टीमचे अभिनंदन करण्यात आले.
‘Certificate of Social Justice’ संकल्पनेवर चर्चा
चित्रपटातील ‘Certificate of Social Justice’ ही संकल्पनाही चर्चेचा विषय ठरली. सामाजिक न्याय, समान संधी आणि संविधानिक हक्क यांचा व्यापक विचार समाजासमोर मांडण्यासाठी अशा विषयांवर सार्वजनिक संवाद होण्याची गरज असल्याची भूमिका भारतीय हितरक्षक सभा, भारतने व्यक्त केली.
जातीच्या प्रमाणपत्रासोबतच सामाजिक न्यायाच्या व्यापक संकल्पनेचाही विचार व्हावा, अशी भूमिका सभेच्या वतीने मांडण्यात आली.
अधिकारी-कर्मचाऱ्यांसाठी विशेष शोचे आवाहन
आरक्षण आणि सामाजिक न्यायाच्या विषयावर प्रशासनातील अधिकारी व कर्मचाऱ्यांमध्येही संविधानिक दृष्टिकोनातून चर्चा व्हावी, यासाठी प्रत्येक जिल्ह्यात अधिकारी-कर्मचाऱ्यांसाठी ‘जयंती २’चे विशेष शो आयोजित करण्याचा विचार करावा, असे आवाहन भारतीय हितरक्षक सभा, भारतच्या वतीने करण्यात आले.
चित्रपटाच्या माध्यमातून आरक्षणाची सामाजिक आणि संविधानिक पार्श्वभूमी समजून घेण्यासाठी संवादाचे व्यासपीठ उपलब्ध होऊ शकते, अशी भूमिका सभेने मांडली.
नाशिकमधून महाराष्ट्रासाठी आवाहन
२६ सप्टेंबरपासून नाशिकमध्ये OBC, मराठा, आदिवासी आणि मुस्लिम विद्यार्थ्यांसाठी ‘जयंती २’चे विशेष शो आयोजित करण्यास सुरुवात झाल्याचे आयोजकांनी सांगितले. नाशिकमधून सुरू झालेला हा उपक्रम महाराष्ट्रातील इतर जिल्ह्यांतही राबवून विद्यार्थ्यांमध्ये सामाजिक न्याय, आरक्षण आणि संविधान याविषयी संवाद घडवून आणावा, असे आवाहन सभेने केले.
संविधानाची प्रस्तावना देऊन कलाकारांचे स्वागत
विशेष शोदरम्यान चित्रपटाचे दिग्दर्शक-लेखक शैलेश नरवाडे यांचे सभानायक कॅप्टन कुणाल गायकवाड यांनी संविधानाची प्रस्तावना आणि पुष्पगुच्छ देऊन स्वागत केले. प्रमुख नायक ऋतुराज यांचे सभानायक कृष्णा शिंदे यांनी संविधानाची प्रस्तावना व पुष्पगुच्छ देऊन स्वागत केले.
कलाकार राजकुमार जरांगे यांचे सभानायक चंद्रकांत गायकवाड आणि लालचंद शिरसाठ यांनी संविधानाची प्रस्तावना व पुष्पगुच्छ देऊन स्वागत केले.
विशेष शोसाठी चित्रपटाच्या टीमने वेळ देऊन विद्यार्थ्यांशी संवाद साधल्याबद्दल भारतीय हितरक्षक सभा, भारतच्या वतीने संपूर्ण टीमचे आभार व्यक्त करण्यात आले.
आयोजनासाठी पदाधिकाऱ्यांचे योगदान
विशेष शोच्या आयोजनासाठी सभानायक कृष्णा शिंदे, कॅप्टन कुणाल गायकवाड, चंद्रकांत गायकवाड, दिलीप रंगारी, लालचंद शिरसाठ, ममता निकम, अनिकेत चंद्रमोरे, निलेश गांगुर्डे आणि अमोल चंद्रमोरे यांनी विशेष योगदान दिले.
भारतीय हितरक्षक सभा, भारत
जय भारत | जय संविधान
