बिलखेडा-आसोदा शिबिरांना उत्स्फूर्त प्रतिसाद; १३४ रुग्णांची मोतीबिंदू शस्त्रक्रियेसाठी निवड
पाळधी / धरणगाव / जळगाव : फिरते नेत्रालय गावागावातील गरिबांच्या दारात आरोग्य सेवा पोहोचवत आहे. जेष्ठ नागरिक असोत किंवा सर्वसामान्य, त्यांच्या कोणत्याही अडचणींसाठी मी सदैव आपल्या पाठीशी खंबीरपणे उभा आहे. या उपक्रमामुळे ग्रामीण भागात “गावातच उपचार” ही संकल्पना प्रत्यक्ष उतरली असून अत्याधुनिक फिरते नेत्रालय आता जनतेच्या सेवेत दाखल झाले आहे. जळगाव ग्रामीण मतदार संघात जीपीएस मित्रपरिवाराने मोतीबिंदू मुक्त करण्याच्या दिशेने उचललेले हे पाऊस आरोग्यसेवा संवेदनाने सामाजिक बांधिलकीचा जिवंत आदर्श ठरत असल्याचे प्रतिपादन पालकमंत्री गुलाबराव पाटील यांनी केले.
धरणगाव तालुक्यातील बिलखेडा तसेच जळगाव तालुक्यातील आसोदा येथे जीपीएस मित्र परिवारतर्फे आयोजित मोतीबिंदू तपासणी व शस्त्रक्रिया शिबिरांना ग्रामस्थांचा उत्स्फूर्त प्रतिसाद लाभला. बिलखेडा येथे पालकमंत्री गुलाबराव पाटील, युवा नेते प्रतापराव पाटील व पंचायत समिती सभापती मुकुंदराव नन्नवरे यांच्या प्रमुख उपस्थितीत शिबिर पार पडले.
या शिबिरांमध्ये बिलखेडा येथे 360 तर आसोदा येथे 210 नागरिकांची नेत्र तपासणी करण्यात आली. त्यापैकी बिलखेडा येथील 74 व आसोदा येथील 60 असे एकूण 134 रुग्ण मोतीबिंदू शस्त्रक्रियेसाठी निवडले गेले. यापैकी 90 पेक्षा अधिक रुग्णांना तात्काळ पनवेल येथे उपचारासाठी रवाना करण्यात आले. तसेच मोतीबिंदू नसलेल्या अनेक नागरिकांना मोफत चष्म्यांचे वाटप करण्यात आले.
विशेष म्हणजे, हे अत्याधुनिक फिरते नेत्रालय उत्तर महाराष्ट्रात प्रथमच जीपीएस ग्रुपने सुरू केले असून, ग्रामीण भागातील आरोग्यसेवेत ही एक महत्त्वपूर्ण आणि दूरदृष्टीची भर ठरली आहे.
दरम्यान, जीपीएस मित्रपरिवारतर्फे पुढील शिबिरांचे वेळापत्रक जाहीर करण्यात आले आहे. 6 मे रोजी ममुराबाद, नांद्रा, खापरखेडा, धामणगाव, तुरखेडा, आवार, 7 मे रोजी जळके, विटनेर, वराळ, सुभाषवाडी, लोणवाडी, वसंतवाडी, तर 10 मे रोजी सोनवद बुद्रुक व सोनवद खुर्द येथे सकाळी 8 ते 12 या वेळेत तपासणी, शस्त्रक्रिया निवड व चष्मे वाटप शिबिरे होणार आहेत.
कार्यक्रमाचे प्रास्ताविक व सूत्रसंचालन भदाणे सर यांनी केले, तर आभार प्रदर्शन दीपक भदाणे व पुरुषोत्तम भदाणे यांनी मानले.
यांची होती विशेष उपस्थिती
आसोदा येथे सामाजिक कार्यकर्ते तुषार महाजन, गिरीश भोळे, किशोर चौधरी, अजय महाजन, उमेश पाटील, संजोग कोळी, अनिल कोळी, जीवन सोनवणे, शरद नारखेडे, दिपक माळी, लखन जोहरे, धीरज येवले, यांच्यासह पदाधिकारी उपस्थित होते. बिलखेडा येथे भदाणे गुरुजी, नवल भदाणे, देवसिंग राजपूत, उपसरपंच दिलीप भदाणे, महेंद्र चव्हाण, जयेश भामरे, राहुल भामरे, नंदू बदाने, पप्पू बाविस्कर, देविदास बडगुजर तसेच पोलीस पाटील संघटनेचे तालुका अध्यक्ष किशोर भदाणे, गोपाल भदाणे, गणेश भदाणे आदी मान्यवर उपस्थित होते. दोन्ही गावांतील तरुणांनी मोठ्या उत्साहाने सहकार्य करत सहभाग नोंदवला. ग्रामस्थांनी पालकमंत्री गुलाबराव पाटील, प्रतापराव पाटील व जीपीएस मित्रपरिवाराचे मनापासून आभार व्यक्त केले.
