शिरसाळा येथे ३० ऑगस्टला मोफत मोतीबिंदू तपासणी व शस्त्रक्रिया शिबिर

शिरसाळा येथे ३० ऑगस्टला मोफत मोतीबिंदू तपासणी व शस्त्रक्रिया शिबिर

ग्रामीण भागातील गरजू रुग्णांना मिळणार मोफत उपचाराची सुविधा; श्री सत्य साई सेवा संघटना व तरुण मंडळांचा पुढाकार

बोदवड, दि. २३ : बोदवड तालुक्यातील शिरसाळा मारोती तीर्थक्षेत्र येथे ग्रामीण भागातील गोरगरीब व गरजू रुग्णांसाठी मोफत मोतीबिंदू तपासणी व शस्त्रक्रिया शिबिराचे आयोजन करण्यात आले आहे. श्री सत्य साई सेवा संघटना आणि गावातील तरुण मंडळांच्या संयुक्त विद्यमाने हे शिबिर घेण्यात येणार आहे.

रविवार, दि. ३० ऑगस्ट २०२६ रोजी सकाळी ८.३० ते दुपारी १२.३० वाजेपर्यंत शिरसाळा येथे हे शिबिर होणार आहे. या वेळी रुग्णांची मोतीबिंदू तपासणी करण्यात येणार असून, शस्त्रक्रियेची आवश्यकता असलेल्या रुग्णांच्या पुढील उपचार व शस्त्रक्रियेची व्यवस्था केली जाणार आहे.

तपासणीपासून शस्त्रक्रियेपर्यंत मोफत सुविधा

रुग्णांच्या तपासणीपासून आवश्यक शस्त्रक्रियेपर्यंतची व्यवस्था श्री सत्य साई सेवा संघटना आणि तुलसी आय हॉस्पिटल, नाशिक यांच्या माध्यमातून करण्यात आली आहे. त्यामुळे आर्थिक परिस्थितीमुळे उपचार घेणे शक्य नसलेल्या ग्रामीण भागातील नागरिकांना या शिबिराचा मोठा फायदा होणार आहे.

शिबिरासाठी येणाऱ्या रुग्णांनी आधारकार्ड व रेशनकार्डची छायांकित प्रत सोबत आणावी, असे आयोजकांनी कळविले आहे.

गरजू रुग्णांनी लाभ घ्यावा

ग्रामीण भागातील नागरिकांना मोफत नेत्रतपासणी व शस्त्रक्रियेची सुविधा उपलब्ध करून देण्याचा हा उपक्रम असून, परिसरातील मोतीबिंदूची समस्या असलेल्या गरजू रुग्णांनी मोठ्या संख्येने उपस्थित राहून शिबिराचा लाभ घ्यावा, असे आवाहन आयोजकांच्या वतीने करण्यात आले आहे.

अधिक माहितीसाठी संपर्क

• सुरेश कोळी पत्रकार – ९९६०९०२४४४

• नितीन बोरसे – ९८७६६२०८०५

• योगेश पाटील – ९५४५८२८५४९

• अनिल पाटील – ९५९५२०९८९७

• गणेशगीर गोसावी – ७४९८७८९५११

• अतुल पाटील – ७७७००८७६८०

• रमेश जोगी साहेब – ९४२२२८३१०२

• चंदू ए. पाटील – ९५११२५०३३७

• दयाराम चौथे – ८८३०१५११५९